تبولة بالعدس و شاورما الفراخ

  • كيس خلطة الشاورما السورى من كنور
  • زيت
  • 1\2 كيلو صدور فراخ
  • 3 كوبايات بقدونس
  • 1\2 كوباية بصل احمر متقطع
  • كوباية و 1\4 طماطم مكعبات
  • معلقتين كبار نعناع
  • كوباية عدس
  • ملح
  • 180 جرام زبادى
  • 3 فصوص ثوم مهروس
  • شطة
  • 1\2 معلقة صغيرة سماق

فى طبق كبير, هنحط كيس خلطة الشاورما من كنور و نخلطة مع 1\4 كوباية زيت.

بعدين, هنزود 1\2 كيلو صدور فراخ و نتأكد ان كل الصدور متغطية بخلطة الشاورما.

فى مقلاية, هنسخن معلقتين زيت ونحط صدور الفراخ لغايه ما تستوى كويس على الجانبين.

فى طبق سلطة التبولة, هنزود 3 كوبايات بقدونس, 1\2 كوباية بصل احمر متقطع, كوباية و 1\4 طماطم مكعبات, 3 معالق نعناع و كوباية عدس مسلوق.

هنقلبهم كويس وبعدين نزود 1\4 كوباية عصير ليمون و رشة ملح.

فى طبق, هنحط 180 جرام زبادي, 3 فصوص ثوم, رشة شطة, 1\2 معلقة سماق, 1\4 كوباية زيت, رشة ملح ونقلبهم كويس.

فى طبق التقديم, هنحط التبولة و حواليها عيش محمص و فوقيها صوص الزبادى, و نقطع الفراخ شرايح و نزودها عليهم.