فراخ حلو و حار بصوص الفول السودانى

  • زيت
  • 500 جرام صدور فراخ مكعبات
  • ملح
  • فلفل اسود
  • معلقة صغيرة ثوم مفروم
  • معلقة صغيرة جنزبيل
  • 1\2 معلقة صغيرة فلفل احمر حار
  • معلقتين كبار صويا صوص
  • معلقتين كبار زبدة فول سودانى
  • معلقة كبيرة سيراتشا صوص
  • معلقتين كبار عسل
  • 1\2 معلقة كبيرة خل
  • 1 لتر مياه مغلية
  • مكعب مرقة دجاج كنور

فى مقلاية فيها زيت, هنحط 500 جرام من صدور الفراخ و نتبلها بملح و فلفل اسود و نسيبها من دقيقتين ل 3 دقايق على نار عالية.

بعد 3 دقايق, هنشيل الفراخ و فى نفس المقلاية هنحط زيت و عليه معلقة صغيره ثوم مفروم, جنزبيل, فلفل احمر حار و هنقلب كويس.

بعدين, هنزود معلقتين صويا صوص, 3 معالق زبدة فول سودانى, معلقه سيراتشا صوص, معلقتين عسل ومعلقة خل ونقلب كويس.

فى كوبايه طبخ, هنزود لتر مياه مغلية و عليها مكعب مرقة الدجاج من كنور و نحطها على الصوص.

بعدين, هنزود الفراخ على الصوص و نسيبها على نار متوسطة من 5 ل 7 دقايق.