ستيك بصوص الديمى جلاس

  • 1 كيس صوص الديمى جلاس من كنور
  • 1\2 لتر مياه
  • 200 جرام مشروم
  • 1\2 كوباية كريمة طهى
  • زبدة
  • 500 جرام بطاطس مسلوقة
  • ملح
  • فلفل اسود
  • 500 جرام من عرق الفلتو
  • معلقة كبيرة زيت زيتون
  • 2 عود زعتر
  • 2 عود روز مارى
  • فصين ثوم مفروم

فى طبق غويط, هنحط كيس صوص الديمى جلاس من كنور و 1\2 لتر مياه و نخلطهم كويس.

فى حلة, هنزود الصوص وعليه 200 جرام مشروم متقطع ونسيبة لغاية ما يغلي.

فى حلة تانية, هنحط 1\2 كوباية كريمة طهى و معلقة زبدة و نخلطهم.

بعدين, هنزودهم على 500 جرام من البطاطس المهروسة عليهم ملح و فلفل اسود.

فى طبق, هنتبل 500 جرام من عرق الفلتو بملح و فلفل على كل جنب.

بعدين, فى مقلاية, هنحط زيت زيتون, معلقتين زبدة, زعتر, روز مارى و فصين ثوم.

هنزود عليهم قطع اللحمة الفلتو ونسيبها على نار عالية لمده دقيقتين على كل جنب.

بعد 4 دقايق, هندخل اللحمة الفرن لمده 5 دقايق على درجة حرارة 200.

فى الاخر, هنقدم اللحمة عليها صوص الديمى جلاس بالمشروم مع البطاطس المهروسة.