كينوا بالخضار

  • 2 لتر مياه مغلية
  • 2 مكعب مرقة خضروات كنور
  • 2 ورق لورا
  • كوباية و 1\2 كينوا
  • معلقتين كبار زبدة
  • معلقة كبيرة زيت زيتون
  • فصين ثوم
  • 3\4 كوباية جزر متقطع مكعبات
  • 3\4 كوباية فلفل اصفر
  • 3\4 كوباية فلفل احمر
  • 3\4 كوباية بروكلى
  • ملح
  • فلفل اسود
  • 1\2 معلقة صغيرة زنجبيل بودرة
  • معلقتين كبار صويا صوص
  • 1\2 كوباية شوربة كينوا
  • معلقة كبيرة بصل اخضر

فى حلة, هنزود 2 لتر مياه مغلية و نخلطه مع 2 مكعب مرقة خضروات كنور.

بعدين, هنحط 2 ورق لورا و كوباية و 1\2 كينوا و نسيبهم على نار عالية لمدة 20 دقيقة.

فى مقلاية, هنزود معلقتين كبار زبدة, معلقة كبيرة زيت زيتون و عليهم فصين ثوم مفروم.

بعدين, هنزود 3\4 كوباية جزر متقطع مكعبات و نسيبهم على نار عالية لمدة دقيقتين.

بعد دقيقتين, هنحط 3\4 كوباية فلفل اصفر, 3\4 كوباية فلفل احمر و نسيبهم على نار عالية لمدة دقيقتين.

بعدين, هنزود 3\4 كوباية بروكلى, ملح, فلفل اسود, 1\2 معلقة صغيرة زنجبيل بودرة و نقلب كويس.

هنجيب الكينوا و نزودها على الخضار و نسيبها على نار عالية لمدة دقيقتين.

فى المقلاية, هنزود معلقتين كبار صويا صوص, 1\2 كوباية شوربة كينوا, معلقة كبيرة بصل اخضر و نخلطهم مع بعض.