بطاطس باللحمة المفرومة و الجبنة

  • 400 جرام شرايح بطاطس
  • ملح
  • زبدة
  • زيت زيتون
  • 250 جرام لحمة مفرومة
  • فصين ثوم مفروم
  • معلقتين كبار صلصة طماطم من كنور
  • معلقة كبيرة صويا صوص
  • فلفل اسود
  • معلقة كبيرة سكر
  • مكعب مرقة دجاج كنور
  • 1\2 كوباية ذرة حلو
  • كيس خلطة الكفتة من كنور
  • معلقتين دقيق
  • كوباية لبن
  • بابريكا
  • 1\2 كوباية جبنة شيدر مبشورة
  • 1\2 كوباية جبنة شيدر حمراء مبشورة
  • حبات طماطم صغيرة
  • بصل متقطع صغير
  • كريمة حامضة
  • بقدونس

هنجيب 400 جرام شرايح بطاطس و ننزلها فى مقلاية فيها الزيت.

هنصفى البطاطس من الزيت ونحطها فى طبق عليه ملح و نخلطهم.

فى مقلاية, هنحط زبدة, زيت زيتون, 250 جرام لحمة مفرومة و فصين ثوم مفروم.

بعدين, هنحط معلقتين صلصة الطماطم من كنور, معلقة صويا صوص, ملح, فلفل اسود, سكر ونقلب كل حاجه مع بعض.

بعدين, هنزود ربع كوباية مياه سخنة بمرقة الدجاج من كنور, 1\2 كوباية ذرة حلو وكيس خلطة الكفتة من كنور.

فى حلة صغيرة, هنحط مكعبين زبدة, معلقتين دقيق, كوباية لبن, معلقة ملح, فلفل اسود و بابريكا.

بعد ما نقلب كويس, هنزود 1\2 كوباية جبنة شيدر مبشورة, 1\2 كوباية جبنة شيدر حمراء مبشورة ونقلب لغاية ما القوام يبقى متماسك.

فى طبق التقديم, هنحط البطاطس المحمرة, عليها اللحمة المفرومة و فوقها صوص الجبنة.

بعدين, فوقهم هنرش حبات طماطم صغيرة, بصل متقطع, كريمة حامضة و بقدونس.