فطيرة الفراخ بالكريمة

  • معلقة كبيرة زيت زيتون
  • معلقتين كبار زبدة
  • 300 جرام صدور فراخ
  • ملح
  • فلفل اسود
  • كوبايتين مشروم
  • معلقتين صغيرين ثوم مفروم
  • معلقتين كبار دقيق
  • كوباية كريمة طهى
  • معلقة كبيرة مسطردة
  • لتر مياه مغلية
  • مكعب مرقة دجاج من كنور
  • 1\4 كوباية كريمة حامضة
  • 1\2 معلقة صغيرة جوزة الطيب
  • روز مارى
  • 1\2 كوباية بسلة و جزر
  • 1\2 كوباية بصل اخضر
  • 1\2 كوباية جبنة بارميزان
  • باف باسترى

فى مقلاية, هنحط زيت زيتون, معلقتين زبدة, 300 جرام صدور فراخ شرايح و نتبلها بملح و فلفل اسود.

بعدين, هنزود كوبايتين مشروم متقطع, معلقتين ثوم صغيرين, معلقتين كبار دقيق و نقلب كويس.

شويه و نزود كوباية كريمة طهى و معلقة كبيرة مسطردة ديجون.

فى كوباية طبخ, هنحط لتر مياه مغلية و معاها مكعب مرقة دجاج كنور و نزودها على الفراخ ونقلب كويس.

بعدين هنزود 1\4 كوباية كريمة حامضة, نص ملعقة جوزة الطيب, عود روز مارى و 1\2 كوباية بسلة و جزر.

هنقلب كويس و نزود 1\2 كوباية بصل اخضر, 1\2 كوباية جبنة بارميزان و نخلط كل حاجه مع بعض.

فى طبق شوربة, هنحط الفراخ بالكريمة و نغطيها بباف باسترى و ندهنها من فوق بكريمة.

ندخله الفرن 15 دقيقة على درجة حرارة 180.