شركسية

  • كوباية عين جمل
  • ثوم مفروم
  • 3 مكعب مرقة دجاج من كنور
  • سمنة بلدى
  • كزبرة
  • 4 كوبايات لبن
  • ملح
  • فلفل اسود
  • 500 جرام فراخ مسلوقة
  • رز مسلوق

فى الخلاط, هنحط كوباية عين جمل و نخلطها. بعدين, هنزود معلقة ثوم مفروم و نخلطهم. و هنجيب لتر مياه سخنة فيها مرقة دجاج كنور و نزودها و نخلطهم مع بعض.

فى مقلاية, هنحط سمنه بلدى, ثوم مفروم و كزبرة.

فى حلة, هنحط معلقة سمنة, مكعب مرقة دجاج من كنور, لتر مياه مغلية فيها مكعب مرقة دجاج كنور, 4 كوبايات لبن و نقلب كويس.

بعدين, هنزود ملح, فلفل اسود, خليط عين الجمل, الثوم و الكزبرة و نخلطهم مع بعض.

هنجيب 500 جرام فراخ مسلوقة و نقطعها شرايح و نخلطها مع الصوص اللى عملناه.

فى طبق التقديم, هنزود الرز, صوص, فراخ, طبقه رز تانية, الصوص و نقلب الطبق. بعدين, هنحط الصوص على الرز و المكسرات.