مكرونة الفراخ بالكريمة و الكاجون

  • لتر مياه مغلية
  • مكعب مرقة الدجاج من كنور
  • 500 جرام صدور فراخ
  • كاجون
  • اوريجانو
  • 1\2 معلقة صغيرة ثوم بودرة
  • 1\2 معلقة صغيرة بصل بودرة
  • 1\4 معلقة صغيرة فلفل اسود
  • 1\4 معلقة صغيرة ملح
  • بابريكا مدخنة
  • زيت زيتون
  • زبدة
  • عودين زعتر
  • بصلة متقطعة
  • كوبايتين مكرونة
  • كوباية طماطم متقطعة
  • كوبايتين من مرقة دجاج كنور
  • جبنة كريمى
  • طماطم شيرى
  • بصل أخضر

هنجيب لتر مياه مغلية و نحط فيه مكعب مرقة دجاج كنور.

في طبق غويط، هنحط ٥٠٠ج صدور فراخ و نتبلها ب 1\4 معلقة صغيرة كاجون، معلقة صغيرة أوريجانو، 1\2 معلقة صغيرة ثوم بودرة، 1\2 معلقة صغيرة بصل بودرة, معلقتين بابريكا مدخنة, ملح و فلفل.

في مقلاية على نار عالية، هنحط معلقة زيت زيتون ومعلقة زبدة. بعدين, هنزود الفراخ ونسيبها علي كل جنب من ٢ ل ٣ دقايق.

بعد ٣ دقايق، هنزود بصلة متقطعة و نسيبها تستوى مع الفراخ. بعدين, هنزود كوبايتين مكرونة و كوباية طماطم متقطعة.

هنخلط كل حاجة كويس و نزود بعديها المرقة. فى الاخر, هنغطي الحلة ونسيبها تغلي لمدة ٢٥ دقيقة علي نار عالية.

بعد كده، هنزود معلقتين جبنة كريمي و نقلب لحد لما الجبنة تسيح.

بعدين, هنحط معلقة صغيرة أوريجانو، و معلقتين صغيرين بابريكا مدخنة، و 1\4 معلقة صغيرة كاجون و معلقة جبنة كريمي.

فى الاخر, حطي المكرونة في طبق تقديم و زوقيها بطماطم شيري، أوريجانو و بصل أخضر.